كيف تكون شيخ قبيلة


كيف تكون شيخ قبيلة ؟


((كيف تكون شيخ قبيلة ))

كان يا ما كان , كان هناك شخص يدعى علي بن لبدان


المهم علي بن لبدان هذا كان كل امنياته في الحياة أنه يصير شيخ قبيلة

لكن ما فيه مقومات وما أحد بيعطيه مجال لأن المشيخة لها ناس وآخرهم علي بن لبدان

بعد ما يأس من المشيخة في قبيلته قال يا ولد أنا بفصل لي جنبية زي حقت الشيوخ

واكتب عليها


الشيخ علي بن لبدان


المشكلة ما فيه دراهم قام باع الغنم كلها علشان يفصل الجنبية (الحلم(



فصل الجنبية وكتب عليها :


الشيخ علي بن لبدان قاتل مية ومعتق مية


علشان الشيخة تكون على اصولها



المهم طق في الأرض بعد ما باع كل شيء علشان هذي الجنبية


هائم على وجهه لا فرس ولا حتى حمار ولا قليل ولا كثير



ومشى وابعد عن ديرته بعيييييييييييد


المهم من كثر التعب جلس تحت شجرة ونام



خ

خ

خ

خ

خ



وهو نايم الإ ويشوفونه مجموعة رجال جوا قربوا منه وبدون ما يحس


طالعوا فيه طالعوا في الجنبية :


الشيخ علي بن لبدان قاتل مية ومعتق مية


الله يكفينا شره هذا ماهو بسيط هذا مطلوبنا هذا اللي بيحل مشاكلنا


المهم صحوه برفق ولين شيخ وقاتل مية يعني العفاشة ما تنفع معه

المهم قام الشيخ علي خير وش فيه



(من الخوف طبعا)



هم :


لالا ابدا بس قلنا تتفضل عندنا هنا يا شيخ علي





هو:



هاااه الشيخ علي طيب طيب

(اول مرة يسمعها في حياته)


هم :



تفضل تفضل


المهم راح معهم قهووه وغدوه وريح وقيل عندهم

وقالوا له روس القبيلة عازمينك الليلة على العشاء


وطلبناك أن تقول تم

قال:


تم تم


المهم اجتمعوا وتشاوروا قبل ما يجي الشيخ المزعوم



ويوم جا وتعشى واللي عليه بالخير

قالوا له العلم سلامتك

حن قبيلة ضعوف ما عندنا فارس ولا عندنا شيخ



وقطاع الطرق ذبحونا ما يمر يومين الا وهم


داخلين عندنا ياخذون اللي يبغون من حلالنا



وحن لا حيلة ولا بصيرة


لمعت عيون الشيخ علي من الفرح



قالوا له اسمع حن بنحطك شيخ لنا كلنا طبعا الشيخ علي على طول قال أنا موافق



(حلمه القديم)





قالوا بس فيه شروط



الشيخ علي يتمتم :إنا لله وش شروطه؟

طيب وش شروطكم


قالوا فيه ثلاثه اختبارات إن نجحت فيها تأخذ الشيخة



وإن ما نجحت فما لك عندنا الإ ضيافة ثلاثة أيام



الشرط الأول :


اختبار الفروسية والقتال



الشرط الثاني :


اختبار الشجاعة


الشرط الثالث :


اختبار الذكاء


المهم فكر الشيخ علي شوي وهو عارف ان ما فيه ولا شرط ينطبق عليه


قال يا ولد خلني استفيد قدر المستطاع على الاقل اذا جاء اختبار الفروسية اخذ

من عندهم فرس

واحط رجلي


قال لهم أنا موافق


قالوا اختبار الفروسية بكرة جهز نفسك



جاء اليوم الثاني


قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون

لنا



قال طيب بس ابغى فرس متعودة على الكر والفر قالوا جاهزة والسلاح جاهز


طبعا الرجال عمره ما ركب خيل


قال ابغاكم تربطوني على الفرس ربطة ما تنفك


ركب الفرس وربطوه ربطة الشر اخذ سلاحه

قال:

وينهم قال في الجهة الشمالية قال طيب وراح يوم ابعد وهو يفرك جهة الجنوب


ومشى الا والله ان قطاع الطرق قدامه

ويوم تشوفهم الفرس وتقول بسم الله

وعليهم والشيخ علي يحاول ينزل يمين شمال يحاول يوقف الفرس


ما فيه فايدة رايحة لهم رايحة وهو مربوط ربطة شينة


وهو يطالع الا شجرة قدامه


ويوم وصل جنبها وهو يتمسك بها مضبوط لكن الربطة كانت أقوى

وهو يقتلع غصن كبيييييير


ويوم شافوه قطاع الطرق وبيده الغصن الكبير هذا وطريقته في اقتلاع الغصن

خافوا منه وسلوموا واستسلموا قالوا هذا الداهية عزا الله بيذبحنا كلنا

اللي قلع ذاك الغصن وراعي هذا الهجوم الخاطف ما لنا الا نستسلم

يوم شافهم الشيخ علي مستسلمين



قال :


يالله يا كلاب واحد منكم يربط البقية والا والله لاذبحكم ذبح الشاة


المهم ربطهم كلهم وسحبهم


وراح للقبيلة وهم قدامه مربوطين زي الغنم


ويوم شافوا القبيلة قطاع الطرق مربطين


قالوا :


عزا الله شيخ ولد شيخ


ويفكون الرباط اللي مربوط فيه على الفرس ويهنونه ويكرمونه


ويريح الشيخ علي

وهو يقول:

في نفسه راحت الفرس ورحت انا فيها





جا اختبار الشجاعة


قالوا له :



فيه أسد دايم يأكل حلالنا ونبغاك تقتله


قال:



هااااااه أسد عدلوا بدلوا


قالوا :


أسد



قال :



طيب اتركوني عليه بس ابغى فرس

بس غير الفرس هذي

ما تنفع له يبغى وحدة حبيبة



( ما هي حقت مشاكل )


قالوا :


طب وتخير يا شيخ علي

المهم لقي وحدة هناك شكلها ضعيفة مالها في المشاكل

قال :

هذي

قالوا:

يا شيخ علي هذي تعبانه ما هي حقت كر وفر وانت بتقابل أسد


قال :



انتوا تعلموني الكر والفر وبعدين من هو اللي بيقابل الاسد أنا والا انتوا


قالوا :

خلاص يا شيخ علي انت ادرى





المهم اخذ الفرس التعبانه ويوم يبغون يربطونه قال :

لالالا


(خايف من الورطة القديمة)



كل معركة ولها طريقة

اخذ الفرس الحبيبة هذي وتوكل


قال لهم :


من وين الاسد هذا اللي يطلع لكم


قالوا :


من الشرق


قال :



طيب خلاص ازهلوه


ويوم ابعد وهو يروح غرب مشى

وهو يقول:


قالوا اسد مجنون انا؟

ومبسوط من الفرس تمشي على اقل من مهلها

مشى الرجال الى ان تعب وهو يشوف ذاك الشجرة الكبيرة


قال:


اريح هنا


المهم ربط الفرس وطلع هوه فوق الشجرة ونام


شويه الا والاسد محضر


الله لا يوريكم الشجرة هذي بالذات محل ما يتكي الاسد


أما الفرس من يوم ما شمت ريحة الاسد


وهي تحط رجولها وتعود لاهلها

والشيخ علي نايم في سابع نومه

نام الاسد

والشيخ علي ينقلب ويطيح على ظهر الاسد


وينفر الاسد

لكن الشيخ علي من كثر الخوف تمسك مضبوط

لانه عارف انه لوطاح انه بيروح فيها


ويحاول الاسد يطيحه يحاول



لكن الرجال متمسك مسكة خواف يعني متسمر فيه

ويحاول الاسد يطيحه يمين شمال

ما فيه فايدة الرجال مسمر


ولا هو ناوي يفكه

المهم وبينما الصراع

(صراع من اجل البقاء)


قائم بين الشيخ علي والاسد


القبيله هناك بعد ما رجعت الفرس



عرفوا ان الشيخ علي تعرض لمكروه



وهم ينفرون كلهم ويلحقونه



ويجون الا والله الشيخ علي متمسك بظهر الاسد

والا سد يحاول

يطيحه


ويجي واحد من القبيلة ويقتل الاسد

ويطيح الاسد ويموت

والشيخ علي متسمر فيه

ويجون عنده الا وهو زعلان مرررررررررة

قالوا الحمد لله على السلامة يا شيخ علي


قال :

الله لا يسلمكم

قالوا:


ليش



قال:


من اللي قتل الاسد

قام واحد وقال:

انا


قال:


الله لا يوفقك



قالوا لييييش؟؟؟؟؟؟؟؟؟؟؟؟؟؟؟

قال:


انا كنت قاعد اروضه ابغاه ركوبه لي وتجي تقتله حسبي الله عليكم


المهم اعتذروا منه وتسامحوا منه



والرجال يسامحهم وياخذونه

ويرجعون على القبيلة ويعشونه ويحتفلون به


الفارس العظيم مروض الاسود

المهم هو يفكر يقول :


راحت علي الفرس لانه عارف انه ما بينجح في اختبار الذكاء


لان ما فيه مجال للحظ في هذا الاختبار


جاء موعد الاختبار النهائي

اختبار الذكاء

المهم جابوا تنكة

وحطوا نصها عسل



والنص الثاني الله يكرمكم


( بعر حق الغنم )


وغطوها وقالوا :


يالله يا شيخ علي تقدر تقول لنا التنكة هذيك وش فيها


المهم الرجال قعد يفكر في وضعه لانه عارف انه ما راح يعرف

يفكر كيف الكرم اللي كان فيه والامجاد اللي عاشها اليومين
اللي راحت مع هذا القبيلة اللي نادوه باغلى اسم عنده
وهو الشيخ علي

فكر فكر وكيف بيكون وضعه بعد ما يروح من عندهم

وهو يتكلم مع نفسه
وهو يتزفر زفرات من قلبه

وبدون ما يحس طلع من لسانه

جزء من الشيء اللي يفكر فيه


قال :

( اللي أوله عسل آخره بعر )

كلهم صاحوا :

صح صح جبتها يا شيخ علي


وهم يحتفلون به

وهو ما يدري وش السالفة

الا بعد ما فتحوا التنكه

واخيرا تحقق حلم الشيخ علي

واصبح شيخ قبيلة

وسلامتكم.

تسنها من سواليف جداني في الديرة
بس ذكي عرف يصرف اموره, كلها ولا يوم يروض الأسد, اهب عليه

طيب أنا بقول سالفة ..
طبعا أيام زمان, كانوا يفتخرون في قتل الشجاع, أما الضعوف فما منهم عزة ولا فخر ان انذبحوا !

فيقولك كان فيه واحد شايف له مجموعة من القوم مقبلين عليه يبون يذبحونه وياخذون سيفه وفرسه!
فكر في حيلة تمنعهم من ذبحه وتخليهم يتركونه
وصلوه فقال لهم: يوم جات ذيك السنة, ألين بوي ماخذ أمي, وليني مسند مع ناس مفيضين, راكب سيفي ومتشنق فرسي...

(يلعب عليهم يسوي فيها مجنون)

تكلموا ما بينهم وقالوا: هذا خبل, وما ينومس ذبحه.
دروا ان ما حوله أحد وانه خبل فراحوا وتركوه هو وعفشه.

وعساك سالم يا هايم

هلا والله روثانة على طريا السالفة الي قلتيها


هاك السنين مدري ويش هي سنه بس ايام القوم <<<<<<< علوم شيبان


المهم واحد هو وحرمتة كان يسرح بالغنم حقته بالربيع المهم يوم أقبلوا القوم عليه قال لحرمته أبي اسوي نفسي خبل


ولمن جوه القوم كان وقتها يمخض بسقاه وقالهم خذوا الغنم حقتي هذي وأسرحوا فيها الله يجزاكم بالخير


مادروا انه يدبر لخطه عشان مايقتلونه


قالو هذا خبل بس خلوه محنا ذابحينه بس خلونا ناخذ حلاله المهم يوم قفوا بالحلال


على طول اخذ الباروده حقته ولحقهم وقال هاه جاكم الخبل وقال لواحد فيهم شوف تراها بشراك الحذوه


وفعلا هو يرمي ويحطها بشراك الحذوه والله يوم شافوا علومه كذا وأنه مصيبه شردوا وتركوا الحلال


<<<<<<<<<<<< مسولف


فهمتي شي


يسلموووو على المرور

ههههههههههههههههههههه

ما شاء الله عليه

ايه فاهمه, وش قالوا لك

على طري البارود والبنادق, مرة تحدوني أصوب على تنكة تمر وانا فوق الجبل والتنكة تحت بالوادي, وصوبت وجبتها
تحس مرة فرحانه بعمري هههههههههههه

ههههههههههههههههههههههههههههههه


ويش دعوة عاد تنكة تمر مره كبيررره لوني من جنبها اطرحها


أذكر ايام الجوزات عندنا <<<<< أي الافراح


المهم بعد مانتغدى نحط الشارة على الظلع <<<<<< اي الجبل ونجيب الباروده


بس مره انا صوبت بس بالجبل الثاني ههههههههههههههههههههههههه


وأول كنت من الطفش اجلس بالحوش حقنا ومعي السكتون ويتعدى فار اسدحه على جنب هههههههههههههههه


سويت فيهن حقل تجارب ههههههههه

هههههه

صراحة رب رمية من غير رامي

هذا يذكرني بقصة الخياط قاتل الستة بضربه واحده (ست ذبابات ) من قصص عالمية

لكن اختلاف المكان يغير الاشخاص :ط)

المهم بطلوا انت واياها طق الحنك ممنوع الشات ماتفهمون يعني لازم العين الحمرا :

السلام عليكم ورحمة الله وبركاته


صراحة حلووووووووووووه

يعني كل شي بالصدفة وطلع له وحقق ما يتمناه

مشكووووووور اخي على القصة الحلوه

وتشكري روثانة على الاضافة

تسلموووووووووووا والله

هلا والله الاشعاع والله تخوف لاعصبت ههههههههههههههه


حياااااااااك يالغلا وشاكر لك ردك الحلوو


تحياتي



نور الشمس يسلمووو على المشاركة الحلووه


يعطيك العافية