السلام عليكم ورحمة الله وبركاته..
كيف حالكم؟ طيبين إن شاء الله ؟
أخوكم فاهم الرزة هو الذي جابني معكم في هذا المنتدى.. دلني على موضوعه حق أوروبا الذي يفطس من الضحك وصراحة عجبني الإستايل حق الموقع والردود وحسيت أنه مكان منعش ينفع أسجل فيه
المهم قلت أحكيكم حكاية واقعية حصلت معي فطستني ضحك ولكن الحقيقة أنه ما فطست لأنه أنا جالس أتكلم معكم..
انتهينا أنا هتان وقريبي بسام من أكل الطعام.. طعام العشاء.. كان هذا الكلام بعد صلاة العشاء
( فاصل: طلبنا في المطعم 2 شوربة توم يوم سبايسي .. 1 رز بالخضار ونسينا نقول له حط جمبري
.. وسيزيلنج لحم وآخر جمبري.. وسلطة حبار بالليمون.. 2 بيبسي) << أتحداكم تعرفوا المطعم وكم طلعت الفاتورة.. قريبي هذا دائما ينسى المحفظة في البيت أو في السيارة
المهم خلينا في الموضوع..
بعد لما انتهينا من العشاء.. خرجنا فقلت لقريبي.. ها فيك حيل تأكل إسكريم.. قال أوكي..
أنا والله كنت شبعان ولكن قلت خلينا نحلي..
دخلنا محل باسكن روبنز وجلسنا ننتظر يجي دورنا عشان نطلب الطلب.. تقولوا الناس عمرهم ما أكلوا إسكريم..
المهم قريبي لقيته ضحك وقال لي إيش رأيك نأخذ صورة تذكارية في باسكن روبنز.. فأستغربت من كلامه.. قام قال لي طالع.. لقيت عائلة هنود جالسين يتصورا.. قلت ما شاء الله.. شكلهم ما عندهم باسكن روبنز..
المهم لما جاء دورنا..
سأل الهندي قريبي إيش تبغ.. فسأله قريبي على أحد الأصناف وقال له إيش هذا النوع.. فرد الهندي وقال: هذا إسكريم
قريبي صار كذا
قريبي قال عارف إنه إسكريم إيش نوعه.. ضحك الهندي وهو يستبله وقال نوعه كذا..
سألني الهندي: إيش تبغ..
نظرت وقلتله: فستق..
قال الهندي: كيلوا ولا أثنين؟؟
أنا وقتها فرطت ضحك في المحل.. لأنها طلعت منه رهيبة.. كأنه في محل مكسرات ويبيع مكسرات..
قلتله إنت فين كنت تشتغل.. فقعد يضحك..
قريبي
ولع وقال والله شكله يبغ يتكفخ هذا الهندي..
.....................
ملحوظة.. بعض الناس قد يقول أنه باسكن روبنز يبيع بالكيلوا ولكن هذا الهندي كان يستبله.. أول مرة أشوف هندي عنده حركات المصريين الرهيبة..
إن شاء الله تكون عجبتكم
سلام
أنت غير مسجل في منتديات فواكه الثقافية . للتسجيل الرجاء إضغط هنـا 
16-08-2006, 03:13 PM 
المواضيع المتشابهه 
العرض العادي
