اوكي نستناك <<<< ماتلاحظ اني لازقه في الموضوع خخخخخخخ

وينك يااخي بستناااك من الساعه ديزعه في المنتدى ومعاااايا العدة كاااااااااااملة الكمبيوتر و الكيبورد يالله يااخينااااا ..عقلي يقرقر...

جايبة المخدة وبنام اهني الين يوصل العم بالمساااااا ........ مساااااااك الله بالخير هييييي انت ياااااااابوي احنا اهني نتريااااااك على احر من الجمر

ليش ماتخلي التكمله بعد الإجازه

وش رايكم في أقتراحي

الجزء الثالث من مذكرات عباطه في اليمن السعيد


دخلت على المدير وشرحت له الوضع قال لي بسيطة ادفع له أي شي وبيمشيك .. قلت له مستحيل .. قال مو من صالحك .. قلت وش بيسوي يعني .. قال بيحولك للتحقيق وبتكبر المشكلة أكثر .. وبتدخل في قضايا تزوير مالها أول ولا آخر ..

قلت له شوف .. الجواز جوازي والصورة صورتي .. والموظف مادقر لي الا بسبب إني ماعطيته شي .. وشوف انا ماراح ادفع له شي هذا مبدأ عندي! إذا هو محتاج ممكن اساعده بس مايتشرط علي .. المهم اقنعت المدير بأني ماراح ادفع ولا هلله رشوة لو ارجع للسعودية وفعلا اقتنع وقال خلاص ارجع له وانا بكلمة يمشيك .. وطلع معي المدير ورحنا للكاونتر اللي فيه الموظف ولاحصلناه وانتظرناه شوي وشويتين وماااش ماندري وين راااح ،، انا قفلت معاي لان المدير دخل جوا يسأل عن الموظف ولارجعوا اثنينهم .. وقعدت برى احتريهم .. جلست تقريبا نص ساعه الين رجع الموظف وقلت خلاص هانت .. يوم وصلت له قال لي وش قال لك المدير ،، قلت له يقول خلاص انا بكلم الموظف ويمشيني على مسؤوليته ،، يوم تغير وجهه وتحسون انه حقد علي ثم قال خلاص هات الجواز .. قلت معك .. قال لا انا اعطيتك اياه قلت يابن الحلال ماخذت شي منك الجواز معك تأكد بالله .. انا احسبه مضيع وطلع متعمد يخبية عشان يطفشني .. ويدخل جوى يقال إني بدوره لك .. ويقعد ربع ساعة ويجي قال ماحصلته .. قلت شوف الجواز معك لكن وربي لو ماتطلعه لاتصل بالسفارة ، ويقمط العافيه ويسوي إني بدور في الادراج يوم طلع الجواز قال اووففف نسيت إني حطيته بالدرج ويطق ختم الدخول وقال لي تفضل من غير نفس ...
شلت الشنطة وقلت اللي هذا اوله ينعاف تاليه .. وطلعت برى المطار وكان الوقت الصباح بدري والجو كان حلو .. وجاني راعي تاكسي قال وين تبي قلت فندق عدن .. قال بخمسمية ريال والتفت عليه قلت وش 500 ؟؟ صاحي انت !! بعدين تذكرت انه يقصد 500 ريال يمني لان الخمسمية تعادل 10 ريال سعودي قلت والله من الرخص يالله وين سيارتك ؟؟ قال هذي واركب معه بالدردعه اللي مادري شلون تمشي يوم قال لي السيارة ماتشتغل الا بالدف .. انا بركب وانت دف السيارة .. قلت الشكوى لله .. يالله اركب وادف السيارة وتشتغل واركب معه ونروح للفندق .. وصلت الفندق ماشوف من النوم واحجز سويت واحط راسي وارررقد ..
صحيت المغرب طاقني الجوع لاني مافطرت ولاتغديت .. على عصير الربيع والكيكة اللي اكلتها بالطيارة .. المهم بعد ما أكلت بدلت ملابسي ونزلت اللوبي .. وطلبت تاكسي ابي اتمشى واشوف عدن هاللي صاجينا فيهااا وفعلا فريت المدينة في ساعة .. والسواق اعجبني انه مثقف كثير وكان يوصف المحلات والاماكن بدقة ويحكي لي عن الاستعمار البريطاني وكيف أثر على هالمدينة بالذات وكان يتكلم بالتواريخ ويمكن ينصب علي الله اعلم بس الأكيد انه فرجني على كل شي حتى بيت الملاكم نسيم حميد وقفنا عنده ، بغيت انزل وادق عليه يمكن احصله .. لاني ناوي أستأجره ساعة بس اخليه يدخل المطار ويبقس الموظف اللي بهذلني لين يعرف ان الله حق ..


برررب
شوي ورااجع اكمل هالجزء

شكل القصه بتتمطط

أقولك خلها بعد الأجازه

من تغلى تخلى

حبيبة الرحمن - اخر الزمان - بيسال

مشكورين على المتابعه ، ويعلم الله اني مااقدرت اكمل القصة البارح
انا لي عشر اياام مريض وطريح فرااش
والبارح جيت عشان الوعد وانا اكتب زااد علي التعب وماقدرت اكمل
اعذروني ..